Əvvəllər Grote Markt orta əsr şəhərinin xaricində bir bazar idi; şimaldan və cənubdan gələn tacirlərin mübadilə etdiyi bir yer idi. 1220-ci ildə Knyaz Hendrik I van Brabant meydanın məkanını cəmiyyətə bağışlayır. Bu ərazi şəhərin mərkəzi olacaq. Bugünkü forması əksəriyyəti planlaşdırılmamış ardıcıl dəyişikliklərin nəticəsidir. Ancaq nəticəsi uğurlu oldu: hansı küncdən girmənizdən asılı olmayaraq bütün meydanı bir anda görə bilməzsiniz, tədricən məkanın dərinləşməsi ilə özünü biruzə verir. Gildiyaların evləri meydanın iki tərəfini təşkil edir. Şəhərin YUNESKO siyahısına daxil olan İntibah dövrünə aid binası cənub tərəfdə yerləşir. Kafedralın isə qonşu meydanda yerləməsinə baxmayaraq, hər yerdən görülməsi mümkündür. Ortada 1887-ci ildə tikilmiş Brabo çeşməsi şəhərin yaranmasının əfsanəsini izah edir.
